افتح شبابيكك يالهوى جيتك اليوم
بأحساس من زود الوله عنده يطير
جيتك مثل طفلٍ له ايام محروم
عن حضن أمه أبعدته المقادير
وجيتك مثل عودٍ له أيام مهموم
وده يلاقي بأخر الوقت تقدير
وجيتك بحضن عاشق وهايم ومغروم
وده يضمك لين تصبح على خير
متى تحس إن الهوى شي مقسوم
من قسمه الخالق على خلقه يصير
ومتى تحس إني لك أطيح وأقوم
وأتعب على شانك وأقدرك وأغير
لي في هواك أحلام وآمال وعلوم
وأحزاب وأصحاب وقصيد وجماهير
وهموم وأفكار وهواجيس وحلوم
ودروب وأخطار وعذاب ومشاوير
وحب وغلا وإخلاص ومعاند ولوم
وإحساس وإلهام وشعور وتفاكير
وصحبه وسهر ومقاطعه لذه النوم
وأشواق جياشه وعشق وتعابير
في ذمتك مابان لك شي مكتوم؟
من بعد ماصورت الأوضاع تصوير!
لاتحسب إنك شي عابر ومعدوم
وتاريخ حبك فاق كل الأساطير
في كل شي أتخيلك وأسمعك دوم
وأتاملك في الوقت الأول والأخير
من ماضي الأيام ليومك اليوم
وغلاك عندي ماحصل فيه تغيير
وأنا لك الله ماأقبل البيع والسوم
ولا أرضى عليّ ولاعليك المخاسير
لإني الوحيد اللي على بحرك يعوم
واللي عرف مرساه في رحله السير
لحظه حبيبي .. قبل يسرقني النوم
((بضم صدرك لين تصبح على خير))
"من اروع ماقرأت"
ودمتم لي ..
! ... بسمة خجل ... !
موضوع: لحظه حبيبي قبل يسرقني النوم .. بضم صدرك لين تصبح على خير 
الجمعة أكتوبر 10, 2008 12:21 am
